በአውደ ጥናቱ በስነ-አእምሮ ጤና ኢፒዲሚዮሎጅ የሶስተኛ ዲግሪ ትምህርት ለመክፈት የተዘጋጀው የስርአተ ትምህርት ንድፍ/ድራፍት/ በጎንደር ዩኒቨርሲቲ ህ/ጤ/ሳ/ኮሌጅ የጤናና ስነ ባህርይ ሳይንስ ትም/ክፍል መምህር በዶ/ር ተላከ አዛለ ለተሳታፊዎች የቀረበ ሲሆን ፣ በቀረበው የስርአተ ትምህርቱ ንድፍ ላይ ዉይይት ተደርጓል፣ ሊካተቱ የሚገባቸው ተጨማሪ መሰረታዊ ነጥቦችም በምሁራን ተነስተዋል፡፡

በሙያውና በምርምር ስራዎች ሰፊ ልምድና እውቀት ያላቸውን ምሁራን ሀሳብ ለማካተት ይህ የውስጥ አውደጥናት/Internal Workshop/ በስታፍ ደረጃ መዘጋጀቱን የገለጹት ዶ/ር ተላከ፣ በቀጣይም የውጭ አካለትን ያካተተ አውደጥናት/External Workshop/ ይካሄዳል ብለዋል፡፡ ዶ/ር ተላከ አዛለ አያይዘው እንዳብራሩትም የስነ አእምሮ ጤና አለምአቀፍ ትኩረት ቢሰጠውም በማደግ ላይ ባሉ ሀገሮች የስነ-አእምሮ ጤና አገልግሎትም ሆነ ምርምር የተስፋፋ አይደለም፡፡ ስለሆነም በዩኒቨርሲቲያችን በዚህ መስክ የሶስተኛ ዲግሪ ትምህርት መከፈቱ የስነ አእምሮ ጤና አገልግሎትን በማሻሻል የህብረተሰቡን የጤና ችግር ለመቅረፍ እንዲሁም ህብረተሰቡ ያለው የስነ አእምሮ ጤና ግንዛቤ ለማሳደግ እንደሚረዳ ይታመናል፡፡

* * * * * * * * * * * * * * * * * * * * * * * * * * *

ሀገራችንን ለማገልገል ቆርጠን ተነስተናል!

የህዝብና አለምዓቀፍ ግንኙነት ዳይሬክቶሬት

ህዳር 18/2013 ዓ.ም