የቢሮ መገልገያዎችን ብልሽት በመለየት ሪፖርት የሚያደርግ ሲስተም ለመተግበር ስልጠና ተሰጠ፡፡

ዩኦጂ ቲኬት(UoG Tiket) በጎንደር ዩኒቨርሲቲ መረጃና ግንኙነት ቴክኖሎጂ ዳይሬክቶሬት ስር በሚገኘው ሶፍትዌር ክፍል ተሰርተው ለአገልግሎት ዝግጁ ከሆኑት የሶፍትዌር/ሲስተም ፕሮጀከረቶች መካከል አንዱ ነው፡፡ በመሆኑም ሲስተሙን ስኬታማ በሆነ መልኩ አገልግሎት ላይ ለማዋል ያመች ዘንድ ለሚመለከታቸው ሙያተኞች (በዋናነት ለጽሀፊዎች) ዛሬ ግንቦት 10/2013 ዓ.ም የግማሽ ቀን ስልጠና ተሰጥቷል፡፡

ዩኦጂ ቲኬት – የዩኒቨርሲቲው የተለያዩ ክፍሎች በየጊዜው የሚጋጥማቸውን የቢሮ መገልገያዎችና የኤሌክትሮኖኪስ ውጤቶች እንከን በመለየት በፍጥነት ለዩኒቨርሰቲው አገልግሎትና ጥገና ክፍል መልዕክት ማስተላለፍ የሚችል ሲስተም ነው፡፡