የሁለተኛው ዙር የመስክ የቡድን ስልጠና/TTP / ‘ኦረንቴሽን’ ተሰጠ

በዚህ አመት የጎንደር ዩኒቨርሲቲ የህክምናና ጤና ሳይንስ ተማሪዎች ከመመረቃቸው በፊት ለሚሰሩት የመስክ የቡድን የተግባር ስልጠና ፕሮግራም ታህሳስ 5/2013 ዓ.ም በኮሌጁ አዳራሽ የቅድመ ተግባር ስልጠና/ኦረንቴሽን/ ተሰጠ፡፡ በመድረኩ ተማሪዎችን በተግባር ስልጠና ቆይታቸው ሊያግዙ የሚችሉ በርካታ ገለጻዎች በተለያዩ ምሁራን የተሰጡ ሲሆን በዋናነትም የመስክ የቡድን ስልጠና ታሪካዊ አመጣጥ፣ፋይዳና ተግባራት፣ የአካባቢና ማህበረሰብ ጤና ፣የኮቪድ -19 ቅድመ ጥንቃቄ እንዲሁም የአነስተኛ ፕሮጀክት ጽንሰ ሀሳብ የሚሉት ጉዳዮች ላይ ለተማሪዎች ሰፊ ማብራሪያ ተሰጥቷል፡፡ በገለጻዎቹ ላይም ውይይት ተደርጓል፣ከተማሪዎች ለተነሱ ጥያቄዎችም ምላሽ ተሰጥቷል፡፡