ለፊዚክስ ትምህርት እገዛ የሚያደርጉ ቁሳቁሶች በድጋፍ መልክ ሊሰጥ ነው፤ ለዘርፉ መምህራንም ስልጠና እየተሰጠ ነው፡፡

በጎንደር ዩኒቨርሲቲ ተፈጥሮና ቀመር ሳይንስ ኮሌጅ ስር የሚገኘው ፊዚክስ ት/ት ክፍል ከዚህ በፊት በጎንደርና አካባቢው ለሚገኙ ት/ቤቶች ለተግባርና ለሙከራ ትምህርት ግልጋሎት የሚውሉ የተለያዩ ቁሳቁሶችን በድጋፍ መልክ ማበርከቱንና የዘርፉ መምህራንም እንዴት መጠቀም እንዳለባቸው የተለያዩ ስልጠናዎችን መስጠቱ ይታወሳል፡፡

በተመሳሳይ ትምህርት ክፍሉ ለዩኒቨርሲቲው የማህበረሰብ ት/ት ቤት እንዲሁም ለካቢታና ለመተማ ዮሀንስ ከፍተኛ ሁለተኛ ደረጃ ት/ቤቶች የቤተ-ሙከራ እቃዎችን በድጋፍ መልክ ለማበርከት ዝግጅቱን አጠናቋል፡፡ በመሆኑም ከየትምህርትበቶቹ የመጡ የፊዝክስ መምህራን የቤተ ሙከራ ዕቃዎቹን ቅድሚያ እንዲያውቋቸውና እንዲገነዘቧቸው የሚያስችል ስልጠናዎችን በት/ት ክፍሉ የላቦራቶሪ ክፍሎች በመስጠት ላይ ይገኛል፡፡